How I Got There: Puerto Galera
This is not your usual travel article.

First time ko mag-punta sa Puerto Galera noong April [2007]. Bakit ngayon lang ako nag-punta? Kasi ang dami ko'ng naririnig na hindi maganda tungkol dito. Gaya na lang ma ito daw ay wala ng kwenta pag naka-punta ka na sa Boracay. Eh, hindi ko naman gusto ang Bora kaya sa isip ko, lalo'ng hindi ko magugustuhan ang Puerto Galera. Tapos may mga nagsasabi pa na sleazy daw doon, na may mga milagrong nangyayari sa harap ng maraming tao at puro daw bading ang nagpupunta dun dahil cruising place ito. Pero nang magyaya ang mga officemates ko, sumama na rin ako. Kasi summer naman at hindi pa ako nagbebeach ngayong taon.

Papunta doon, sumakay kami ng bus (JAM liner) sa Buendia papuntang Batangas Pier ng 3:30 am. Mga 150 Pesos ang pamasahe ng bawat isa.

Pagdating sa pier (mga 1.5 oras na byahe), dudumugin kayo ng mga tao doon. 'Wag nyo nalang silang pansinin kasi iinit lang ang ulo nyo sa kulit nila (haha!). Derecho na lang kayo sa loob ng pier. Doon pumili kayo ng sasakyan ninyong bangka. Standard ang presyo ng pamasahe kaya mag-base na lang kayo sa oras ng pag-larga. Less than 200 pesos ang pamasahe.

Nang malapit na kami sa isla, ito ang sumalubong sa amin:

Sabi ko sa sarili ko “Hanep sa welcome, bading na bading!“. *background music: somewhere over the rainbow*

Nang makarating kami sa White Beach (na hindi naman white), nag-lakad kami ng pagkalayo-layo para lang maka-sakay ng jeep papunta sa hotel namin na 7km (ayon sa mamang driver) ang layo mula sa binabaan namin. Nasabi ko na ba'ng umuulan din?

Sa totoo lang naisip ko na na magiging disaster ang baksyon na ito. But well well well, look do we have here! Masarap ang breakfast sa hotel! Tapos biglang umaraw! Tapos na-upgrade ang room namin! Tapos mabait ang staff! Tapos…tapos OA na ako.

Pagkatapos ng almusal, nag-snorkeling kami sa white sand na beach (pero hindi White Beach ang tawag. Labo.) Maganda, ang dami'ng isda! Kung nakaka-amoy lang ako sa ilalim ng tubig, I’m sure I’d have smelled something fishy (ahahay ang corny ko!). Tapos nag island hopping kami! Nagphotoshoot doon, (kung hindi nyo naitatanong e serious photography enthusiast ako) Tapos bumalik sa hotel at natulog.

Nung hapon, nagpunta kami uli ng White Beach kasi doon ang sunset, at habang nag-liliwaliw ang mga officemate ko, ako nag-set up ng camera at hinintay ang sunset. Napakasaya ko ng panahong yon. Bakit? Kasi nasa beach ako, kumukuha ng litrato at umiinom ng beer. Aaaaw. Tapos ang ganda pa ng sunset!

Pagkatapos ko'ng mag-picture-picture, sumama na ako sa grupo ko uli at may mga nakita kaming kaka-ibang business signs!

May nakaka-inis:

May nakakatuwang jologs:

At may nakakatawa:

(yung isang branch nila “Ang Cute ng Henna Mo” hehe joke lang)

Pagka-tapos ng isang mala-fiestang dinner (mura lang pagkain dun!), naglakad-lakad kami sa shore line. Nang mapagod kami, nagpunta kami sa Tipzynakuu Bar (may recall ang pangalan hehe) at uminom ng konti habang pinapanood ang dumadaan na tao.

Natapos ang araw namin nang medyo maaga (mga 11pm) kasi ang dami'ng nagawa buong araw at pagod na kami.

Sa bakasyon na ito, nagbago ang pananaw ko sa Puerto Galera.

Una, hindi sya walang kwenta kung ikukumpara mo sa Boracay. Sa totoo lang, mas nag-enjoy ako sa snorkeling dito kaysa sa Boracay. Mas mura rin, hehe. At pangalawa, hindi sya sleazy at hindi totoong puro bading ang andon, maraming babae, mga bata, lolo, lola, mga mag-asawa, mga pamilya. Siguro sa mga nagsasabing sleazy at cruising place ang Puerto ay yung mga naghahanap ng sleaze at sadyang nag-cru-cruise. Sa madaling salita, hindi mo makikita ang hindi mo hinahanap (naks!).

Masaya ako at nagpunta ako sa trip na to! Tara, balik tayo!

Text and photos: Jason Tengco © 2007

Jason is a photographer and an artist. He is also greenpinoy.